Sunog sa Quezon City, 1 nasaktan, P.5-M naabo

ISA ang nasaktan habang aabot naman sa halagang P500,000 halaga ng ari-arian ang naabo matapos tupukin ng sunog ang isang helera ng mga establisimiyento sa Quezon City kahapon ng madaling araw.   

Batay sa inisyal na ulat, nagsimula ang sunog dakong 5 a.m. at umabot ito sa “fifth alarm” bago nakontrol ng mga rumispondeng bumbero dakong 5:45 a.m.
Sinasabing anim na establisim-yento ang nasunog malapit sa kanto ng Calderon Street at Commonwealth Avenue sa Quezon City.

Napag-alaman na isang nagnga-ngalang Ferdinand Pineda, 38, na may-ari ng St. John Sand and Iron Factory, ang nasugatan sa insidente.

Sa kasalukuyan ay inaalam pa ng mga arson investigators kung ano ang pinagmulan ng sunog na nagsimula sa isang establisimiyento sa naturang lugar.